LIPJANI - DRITA
FOTO / KB Drita
Drita bindshëm ndaj Lipjanit
15 November, 2020 @17:25
Skuadra e Dritës ka regjistruar fitoren e dytë rresht në Ligën e Parë, duke e mposhtur Lipjanin bindshëm me rezultat 70-100.
Pas humbjes në xhiron e parë ndaj AS Prishtinës, Drita në dy ndeshjet e fundit është më e koncentruar për fitore.
Gjashtë lojtarë te skuadra gjilanase luajtën me pikë dyshifrore. Prej tyre u dalluan Qëndrim Demi me 23 pikë, 8 asistime e 5 kërcime, Driton Sylejmani me 15 pikë, 8 kërcime e 6 asistime dhe Bardh Jakupi me 14 pikë, 9 kërcime e 4 asistime.
Te Lipjani është rikthyer në formacion kapiteni Fazli Vitia. Ai luajti me 21 pikë e 8 kërcime, derisa u ndihmua edhe nga Arianit Krasniqi me 20 pikë të tjera.
Drita me 2 fitore e 1 humbje është ngritur në pozitën e tretë në Ligën e Parë, kurse Lipjani është ende pa fitore.
Në xhiron e katërt, Drita pret Megasposrtin, derisa Lipjani takohet me Prishtinën e Re.
