Drita shtohet me amerikanë

Skuadra e Dritës është duke shënuar rekord të stinorit në ndërrimin e lojtarëve të huaj në radhët e saj. Përkundër se kishin një katërshe shumë të mirë në fillim të stinorit, për shkak të krizës disaditore në klub ata i liruan të gjithë, ndërsa tash po mbledhin një grup tjetër të huajsh. 

Kështu, pas Jermelle Fraser dhe Takais Brown, Drita ka paraqitur për regjistrim në Federatë të Basketbollit të Kosovës edhe amerikanin e radhës, Rickey Jerome George, i cili do të ketë të drejtë loje në fundjavën e radhës ku gjilanasit takohen me Trepçën si mysafir. George është fundor dhe nuk ka qenë asnjëherë në Europë deri më tani sipas profilit të tij në Eurobasket. 

Drita bashkë me Trepçën e Bashkimin janë përcjellëset kryesore të dyshes së pakapshme, Pejës dhe Sigal Prishtinës.