Drita tenton barazimin e serisë ndaj Kerasanit

Përballja e parë ndërmjes Kerasan Prishtinës dhe Dritës në kuadër të Play-Outit të Superligës i takoi ekipi prishtinas, që e fitoi këtë ndeshje me afro 30 pikë epërsi (83-52) dhe ka marrë avantazhin 1-0 në seri.

Përballja e kthimit është paraparë që të zhvillohet të enjten (12 maj 2016) në Gjilan, ku Drita pret Kerasanin me fillim nga ora 20.

Dritës i duhet fitorja patjetër në këtë ndeshje ashtu që të shpresojë për të fituar serinë në ndeshjen e tretë dhe t’i kthehet Superligës.

Në rast të fitores së Kerasanit, këta të fundit do të fitojnë të drejtën që të jenë pjesë e Superligës edhe për stinorin tjetër.