Dy gola nga Lis Berisha, 2 Korriku U19 mposhtë UC Dublinin U19 në UEFA Youth League

Pasi e kaloi Bylisin U19 në rrethin e parë kualifikues të UEFA Youth League, sonte. 2 Korriku U19 ka bërë një hap pozitiv drejt kalimit edhe të rrethit të dytë kualifikues të garës në fjalë.

Skuadra prishtinase në “Fadil Vokrri” triumfoi 2-1 ndaj irlandezëve të UC Dublin U19.

Mysafirët kaluan të parët në epërsi me golin e J.Ryan në minutën e 30’, e pastaj të rinjtë prishtinasit përmbysën gjithçka me dy golat e futbollistit Lis Berisha në minutat 42’ e 60’.

Kështu, 2 Korriku U19 niset për Irlandë me epërsi të lehtë nga ndeshja e parë, e ndeshja kthyese luhet më 6 nëntor.