DUELET E SOTME
Dy ndeshje basketbolli në pasditen e sotme
21 July, 2019 @14:17
Përfaqësuesja U20 e Kosovës që po garon në Kampionatin Evropian të Divizionit B, pas fitores ndaj Luksemburgut 84-58, sot do të zhvillojë përballjen për pozitën e 17-të të garës.
Rumania U20 - Kosova U20 ndeshen sot në Matosinhos të Portugalisë, në takimin që fillon në ora 16:15, e vlefshme për pozitën në fjalë, në renditjen përfundimtare të këtij evropiani.
Në anën tjetër, seniorët, që po përgatiten për mundësinë e tretë të kualifikimit për në kualifikime të Eurobasket 2021 luajnë miqësoren e dytë ndaj Sllovakisë, në ora 18:00.
Miqësorja e djeshme e Kosovës ndaj Sllovakisë përfundoi me fitore të ngushtë të sllovakëve, 85-79.