HEAT - BUCKS
Foto: nba.com
E shtata rresht për Miamin
15 January, 2018 @9:53
Po vazhdon ngritja e skuadrës Miami Heat në Lindje.
Fitoren e shtatë rresht Miami e regjistroi kundër Milwaukee Bucksit, duke e mposhtur kundërshtarin me rezultat 97-79.
Ylli slloven, Goran Dragic, ishte lojtari i ndeshjes te Heat, i cili luajti me 25 pikë, 3 kërcime e 2 asistime.
Te Bucks, si zakonisht më i miri ishte super ylli Giannis Antetokounmpo që luajti me 22 pikë e 6 kërcime, por nuk mjaftoi për ta përfunduar serinë e fitoreve të kundërshtarit.
Miami Heat, aktualisht ka bilanc prej 25 fitoreve e 17 humbjeve dhe gjendet në pozitën e katërt në Konferencën Lindore. Për Bucks, kjo ishte humbja e dytë rresht, të cilët zbritën në pozitën e tetë në këtë Konferencë.
