E para në shtëpinë e re!

Në ndeshjen e parë në palestrën e re në kuadër të ligës, skuadra e Rahovecit ka shënuar fitore bindëse ndaj skuadrës së Lipjanit, fitore kjo që është e para për Rahovecin (në kuadër të ligës) në palestrën fantastike që më në fund është kompletuar.

Skuadra e Rahovecit takimin e dominoi që nga fillimi dhe dilemë për fituesin nuk kishte në asnjë moment, derisa rezultati përfundimtar i ndeshjes ishte 99-77 (31-14, 27-23, 23-22, 18-18).

TABELA AKTUALE

Më të dalluarit te ‘vreshtarët’ sonte ishin Deshon Minnis me 22 pikë, 2 kërcime e 8 asistime dhe Fredrik Richardson me 17 pikë, 20 kërcime e 3 asistime, kurse te skuadra e Lipjanit u veçua Michael Mitchel me 25 pikë, 9 kërcime e 2 asistime. Përveç tij, pikë dyshifrore të lipjanasit shënuan edhe Musab Mala (16), Arian Mehmeti (12) e James Johnson (12)

Kjo fitore bën që bilanci i Rahovecit pas 21 xhirove të jetë 13-8, ndërkohë që Lipjani momentalisht është i parafundit në klasifikim.

Xhiron e ardhshme Rahoveci e pret Borean, derisa Lipjani do të jetë mysafir i Prizrenit.