Edhe 2 stinorë në Pejë

Peja, që është ekipi i vetëm në BKT Superligë që prej lojtarëve të huaj ka një basketbollist nga Shqipëria, ka nënshkruar marrëveshje edhe për dy stinorë tjerë me atë.  Borozani.com

Kështu, tash e tutje Gerti Shimën, pejanët, por edhe adhuruesit tjerë të basketbollit e kanë “të sigurtë” edhe për dy stinorë me fanellë të verdhë të Pejës, ka shkruar faqja zyrtare e ekipit pejan. 

Aloja e Pejës, që në maj të këtij viti i mbushë të 27-at është njëri ndër basketbollistët e pesëshes së parë të ekipit të udhëhequr nga kroati Rudolf Jugo, ndërsa prej stinorit të ardhshëm ai më nuk do të konsiderohet si lojtarë i huaj në basketbollin kosovar, por si vendor. 

Ky ka qenë vendimi i fundit i FBK-së, ndërsa Peja është treguar e zgjuar kështu që e ka bërë për vete basketbollistin më të mirë të përfaqësueses së Shqipërisë. 

Përndyrshe, Peja është e para në tabelë të klasifikimit me 13 fitore dhe vetëm një humbje në kampionat deri më tani. Ndërsa fundjavën që vjen ia nisin stinorin me derbin e javës në Karagaç të Pejës, kundër RTV 21-shit. Peja e kishte mposhtur dy herë RTV 21-shin gjatë stinorit vjeshtor. 

PEJA:

Gerti Shima është anëtar i pesëshes së parë të Pejës.

KOMBËTARJA:

1

Gerti Shima është njëri ndër basketbollistët më të mirë të kombëtares shqiptare.

FAKT:

1

Gerti Shima nuk ka pranuar të luajë për ekipin e të huajve në All Star për shkak se nuk e ndien veten të huaj në Kosovë.