FBK publikon llogon e Euro U20 që mbahet në Prishtinë

Federata e Basketbollit të Kosovës (FBK) sot edhe zyrtarisht e ka publikuar logon zyrtare të FIBA U20 Kampionatit Evropian, Divizioni B-Femrat që do të mbahet në Prishtinë prej 3 deri më 11 Gusht 2019.

Ideja e logos së FIBA U20 Kampionatit Evropian, Divizioni B-Femrat është përgatitur nga FBK, ndërsa është dizajnuar nga një kompani italiane, e angazhuar nga FIBA.

“Ideja ka qenë që të theksohet vajza me top të basketbollit, ndërsa duke marr parasysh që jemi shtet i ri, kemi dashur që të promovojmë flamurin e Republikës së Kosovës, ndërsa në logo kemi dashur ta theksojmë edhe emrin e qytetit ku mbahet Evropiani, pra Prishtinën. Pra të gjitha këto elemente për ne janë shumë të rëndësishme, andaj edhe besoj se në fund kemi arritur të kemi një logo, e cila do të pëlqehet nga opinioni i basketbollit në vendin tonë”, ka deklaruar për faqen zyrtare të FBK-së, Elvira Dushku, Sekretare e Përgjithshme.

Krahas Kosovës në FIBA U20 Kampionatin Evropian, Divizioni B-Femrat do të marrin pjesë edhe 12 shtete të tjera: Izraeli, Danimarka, Finlanda, Britania e Madhe, Kroacia, Turqia, Greqia, Ukraina, Bullgaria, Rumania, Irlanda dhe Islanda.