Prishtina kalon lehtë edhe Yllin

Prishtina me trajnerin e rikthyer në ekip Damir Mulaomerovic ka arritur të kalojë lehtë pengesën ndoshta më të vështirë në Superligë, Yllin, sot.

Bardhekaltërit që po kërkojnë rikthimin e titullit në kryeqytet pas çerekut të parë 17-16 kanë ndezur motorët në çerek të dytë 36-13, ndërsa në të tretin kanë shtuar epërsinë 24-16 për të shënuar fitore në fund 90-77.

Në çerek të fundit përkundër se Ylli bëri dallim të madh 13-32, nuk arriti të shlyejë epërsinë e prishtinasve.

TABELA AKTUALE

Dardan Berisha ka qenë i jashtëzakonshëm sot. Berisha shënoi 31 pikë, 5 kërcime e 5 asistime në fitore për 29 minuta sa ishte në parket.

Përveç tij u dallua edhe Bashir Ahmed që shënoi 22 pikë e 7 kërcime në fitore.

Te Ylli double-double i Bambale Osbyt (17 pikë, 11 kërcime) dhe 15 pikët e Garrius Hollomanit nuk kanë mjaftuar për befasi.

Në xhiron e parafundit të stinorit Prishtina pret Rahovecin, ndërsa Ylli Lipjanin.