PRIZRENI - RAHOVECI
TOPSPORTI/ A.P
Humbja e tretë me radhë
6 April, 2019 @20:44
Pas humbjeve nga Bashkimi dhe Ylli, Prizreni serinë jo të mirë e ka vazhduar edhe ndaj Rahovecit.
Djelmoshat e trajnerit Arbnor Rifati, u mposhtën nga Rahoveci me rezultat 69-86 në Prizren.
Te vreshtarët, vetëm tre amerikanët shënuan pikë dyshifrore. DeShon Minnis luajti me 30 pikë e 13 kërcime, derisa u ndihmua edhe nga Frederick Richardson me 16 pikë e 12 kërcime dhe James Stanback me 15 pikë të tjera.
Te Prizreni nuk luajtën Elliott Cole me Urim Zenelaj, derisa më të dalluarit ishin Ergin Grosha me 20 pikë, Malcolm Canada me 19 pikë dhe Chris Waller me 15 pikë të tjera.
Kjo ishte humbja e tretë rresht për Prizrenin dhe e 14-ta në total krahas 12 fitoreve që i kanë, derisa për Rahovecin ishte fitorja e 17 e stinorit.
