Historike, në finale në stinorin debutues

Durrësi është në festë, derisa Teuta në stinorin debutues në BIBL ka arritur finalen e garës.

Pas çerekut të parë të barabartë 20-20, Teuta kapi epërsinë në çerekun e dytë 18-25 për të shkuar në pushim me 38-45.

Mirëpo në çerekun e tretë Beroe tregoi forcën për të hyrë në 10 minutëshin e fundit të lojës me avantazh 22-12 për të përgjithshmen, 60-57.

E në 10 minutat e fundit të lojës paraqitja e djelmoshave të drejtuar nga Afrim Bilalli ka qenë e jashtëzakonshme. Luftë për çdo top, mbrojtje e fortë dhe të saktë në sulm për të ndalur bullgarët në 8 pikë! Përfundimtarja 68-80 në të mirë të Teutës, e festa në Feti Borova të Tiranës ku po zhvillohet Final Fouri i BIBL ka filluar për durrësakët.

SKEMA E FINAL FOUR

CJ Wilson me 20 pikë e 9 asistime si dhe Endrit Hysenagolli me 15 pikë e 10 kërcime kanë qenë më të dalluarit te Teuta. Pikë dyshifrore ka shënuar edhe Kevin Brown 11, Robert Shestani 11 por edhe Julian Hamati 10.

Njëri ndër lojtarët më të mirë të stinorit në BIBL Conor Frankamp i Beroes ka shënuar për bullgarët 26 pikë, duke qenë më i dalluari te ata.

FINALJA

Teuta në finale të BIBL do të luajë ndaj ekipit maqedon Blokotehna, derisa për vend të tretë do të luftojnë ekipet bullgare Academic Bultex dhe Beroe.

Finalja Teuta - Blokotehna luhet nesër mbrëma në Feti Borova të Tiranës me fillim prej orës 19:00. Ndeshja për vendin e tretë nis në ora 16:00.