BLOKOTEHNA - ACADEMIC BULTEX
Foto: balkanleague.net
Mësohet finalisti i parë i BIBL
6 April, 2019 @20:48
Në Final Fourin e ligës ballkanike që po mbahet në Tiranë, është mësuar finalisti i parë i garës.
Ekipi maqedon, Blokotehna, duke e mposhtur Academic Bultexin me 5 pikë dallim, 79-74 ka arritur të shkruajë emrin në finale të garës.
Marjan Mladenovic ka qenë më i dalluari te ekipi fitues duke shënuar 22 pikë e 8 kërcime, derisa Brandon Penn është dalluar me 18 pikë tjera në fitore.
Te Academic Bultex, lojtari që fitoi gjyqin ndaj Bashkimit, Aleksandar Gruev luajti me 11 pikë, që nuk u doli mjaft për fitore bullgarëve.
Blokotehna në finale pret fituesin e gjysmëfinales tjetër të Final Fourit të BIBL, Beroe - Teuta.
