Vështirë, por Bashkimi arrin në TOP4

Shumë më vështirë sesa që kanë pritur, basketbollistët e Bashkimit është dashur të djersiten mirë e mirë deri në fund të ndeshjes për të arritur fitore ndaj Lipjanit 97-102 në BetterLife, ndërsa rezultati ka qenë i ngushtë dhe me ndërrime të herë pas hershme të epërsisë.

Në fakt fitorja e Bashkimit u pa 1 minutë para fundit të ndeshjes, kur epërsia ishte vetëm 2 pikë në të mirë të Bashkimit dhe pastaj me pikët e Mike Martinit ekipi kampion krijoi një distancë që lejoi sekondat e fundit të kalojnë pak më lehtë për ekipin e Jeronimo Sarinit.

Jordan Capps si zakonisht ka qenë më efikasi te Bashkimi me 26 pikë, derisa ndihma e Drilon Hajrizit për të qenë njeriu i ndeshjes ka qenë vendimtare. Hajrizi ka kryer duelin me 17 pikë, 7 asistime dhe 6 kërcime.

TABELA AKTUALE

Njëzetë e katër pikë i dha edhe Steve Haney që shutoi 3/9 për tre pikë, rrëmbeu dy topa nga rivali dhe u dha 3 asistime shokëve karshi 6 kërcimeve që i kishte.

Te Lipjani dyshja e huaj dhe dyshja Musab Mala e Arian Memeti kanë bërë gjithçka për të arritur te fitorja befasuese, por thjesht sonte nuk ua deshi.

James Johnson dha 30 pikë, Musab Mala 28, Mike Mitchel 17, ndërsa Arian Memeti 14 të tjera në këtë humbje të dhimbshme të ekipit debutues, që tashmë duhet ta mbrojë statusin elitar nga ndeshja e PlayOutit.