FBK
FBK tregon kur do të merret vendimi për ndeshjen e ndërprerë Ponte Prizreni - Peja
4 May, 2021 @20:11
Ndeshja e sotme ndërmjet Ponte Prizrenit dhe Pejës nuk vazhdoi fare pjesën e dytë.
Kjo për arsye se lojtarët, zyrtarët dhe shumë persona të tjerë u përfshinë në një përleshje masive, që ndodhi në pushimin mes dy pjesëve derisa po shkohej në zhveshtore për pushim.
Lidhur me këtë ndeshje, Federata e Basketbollit të Kosovës pritet të marrë vendim gjatë ditës së nesërme (e mërkurë).
Kështu ka bërë të ditur Sekretarja e Përgjithshme e FBK-së, Elvira Dushku, e cila për KTV-në tha se Federatës i duhet kohë për të analizuar në detaje situatën kaotike që u krijua në Prizren.
Pjesa e parë e ndeshjes Ponte Prizreni - Peja kishte përfunduar me rezultat 48-49.
Fituesi i kësaj ndeshjeje kualifikohet në finale të Play Off-it dhe do të përballet me fituesin e duelit tjetër gjysmëfinal, Rahoveci - Golden Eagle Ylli.
