Fitore e mysafirëve në Gjakovë

Për humbjen e pësuar në ndeshjen e parë në Suharekë, Ylli i është ‘revanshuar’ Rahovecit në takimin e luajtur sonte në Gjakovë.

Ndeshja filloi tejet mirë për Yllin, i cili startoi me një seri 9-0 me të filluar takimit, për të krijuar epërsi qysh në start. Në çerekun e dytë, skuadra e Rahovecit ishte më e mirë, e kjo ndikoi që epërsia e Yllit të zvogëlohej paksa dhe pjesa e parë të mbyllej me rezultat 38-48 në të mirë të therandasve.

TABELA AKTUALE

Në pjesën e dytë, Ylli vazhdoi ta menaxhonte mirë epërsinë e krijuar, për ta mbyllur kështu këtë duel me fitore me rezultat 78-101.

Më i miri te skuadra e drejtuar nga Arben Krasniqi sonte ishte Robert Jones me 22 pikë, 8 kërcime e 3 asistime, kurse te skuadra e Bujar Locit u veçua Frederick Richardson me 23 pikë, 13 kërcime e 1 asistim.

Pas 10 xhirove, Rahoveci ka bilanc 7-3, kurse Ylli ndodhet një pozitë më pas me bilanc 6-4.