Fitore në sekondat e fundit, Beroe pranë gjysmëfinales

Një takim tejet interesant u zhvillua sonte në kuadër të Grupit C të fazës së dytë të Ligës Ballkanike, me fituesin që u vendos në sekondat e fundit të takimit.

Ishte Beroe, liderja e Grupit C, skuadra e cila falë shënimit të Brandos Ross pak sekonda para fundit iu gëzua fitores, duke shkaktuar kështu zhgënjim të madh te skuadra vendase e Feni Industries, e cila sonte zhvilloi një paraqitje mjaft të mirë gjatë gjithë takimit.

Kjo fitore bën që Beroe tashmë të ketë bilanc 4-0 dhe të jetë në krye të grupit dy xhiro pa përfunduar grupet, vend që i mundëson kalim direkt në gjysmëfinale të Ligës Ballkanike. Në anën tjetër, Feni momentalisht ka bilanc 1-3 dhe shpreson që ta mbyll grupin në vendin e tretë, vend i cili nënkupton kalimin në çerekfinale.

TABELA BIBL - FAZA II

Më i dalluari tek Feni Industries sonte ishte Kiril Nikolovski me 18 pikë, 6 kërcime e 1 asistim, kurse te Beroe u dallua Aaron Jones me 27 pikë, 4 kërcime e 1 asistim.