Furia pejane, shkrin Bashkimin

Kampionja aktuale e Kosovës në basketboll, Peja, ka kaluar tepër lehtë kundërshtarin e sotëm në Prizren, Bashkimin. Ekipi i Boban Savovicit ka nisur furishëm ndeshjen duke krijuar epërsi mbi 15 pikë brenda 5 minutave të para të ndeshjes dhe prej atij momenti, për prizrenasit gjithçka ka qenë e pamundur. 

Gabimet e shumta në mbrojtje, sulm dhe jopreciziteti i lojtarëve ka qenë në nivel të lartë te portokalltë - të cilët assesi nuk kanë arritur as të rivalizojnë sadopak Pejën. 

Për Pejën sonte debutoi Erris Nushi i cili luajti në 2 minutat e fundit të takimit, derisa Savovic i dha rastin tërë ekipit të paraqitet në lojë. 

Te ekipi pejan basketbollisti më efikas i ndeshjes ka qenë qendra kroate Teo Simovic, i cili shënoi 23 pikë duke regjistruar edhe 5 kërcime, derisa pas tij erdhën Gerti Shima e Drilon Hajrizi me nga 15 pikë të shënuara. 

Superylli pejan Fred House me lojën e tij mjeshtërore dhe atraktive në 5 mintuat e para të ndeshjes kreu punën dhe u pushua nga trajneri i ri pejan, që sonte debutoi në Superligë, në të shumtën e kohës. 

Te Bashkimi shuti katastrofal përveç tjerash ndikoi në humbje të thellë. Për treshe ata kishin saktësi vetëm 25% duke shutuar plotë 28 herë. Më efikasi ishte organizatori amerikan Darrell Lampley që dha 22 pikë, derisa përveç tij pikë dyshifrore shënoi vetëm edhe qendra shqiptare Bruno Daliu, 11 sosh. 

E vetmja gjë pozitive e prizrenasve sonte ka qenë që publiku ka brohoritur dhe përkrahur deri në fund të takimit për ekipin, përkundër se humbja ishte e pashmangshme. 

Peja me këtë fitore barazohet me pikë me lideren Sigal Prishtina, derisa Bashkimi regjistron humbjen e tetë të stinorit dhe të tretën nga Peja. 

Rezultatet dhe tabela aktuale. 

Statistikat ekipore:

Statistikat individuale te Peja: