MOLOS SERQA
Gabime që s’duhet të na ndodhin
19 January, 2022 @0:00
Peja shënoi fitore me vështirësi ndaj ekipit të Teutës të martën mbrëma në Karagaç.
Mirëpo, në deklaratën e tij pas ndeshjes, ndihmës-trajneri i ekipit Molos Serqa ka thënë se skuadra bëri disa gabime që një ekipi serioz nuk do të duhej t’i ndodhnin.
“Problemi kryesor ka qenë mungesa e playmakerit. Në çerekun e parë ishim shumë afër ta kapnim ritmin tonë, por bëmë disa gabime. Këto gabime nuk guxojnë të na ndodhin neve si ekip serioz. Megjithatë në fund fituam, por nuk ka qenë fitore qysh është dashtë me ndodhë. Shpresoj që gjatë javës të përmirësojmë këto gabime dhe ndaj Yllit të jemi krejt një ekip tjetër,” ka thënë ndër të tjera ai.
Peja është në pozitë të dytë të renditjes tabelare në Ligën Unike, që po kalon edicionin e dytë garues, të parin si kampionat, pasi që edicioni i parë u mbajt në sistem kupe me eliminime, për shkak të COVID-19.
Verdhezinjtë nga Karagaçi kanë bilans 6-2 pas 8 xhirove të para dhe janë në pozitë të dytë të renditjes tabelare.
