GRUPI B: GJERMANIA - UKRAINA
Gjermania mposht Ukrainën, e nis me fitore
31 August, 2017 @16:57
Përkundër faktit që ukrainasit e startuan ndeshjen në mënyrë fantastike, duke e mbyllur çerekun e parë me epërsi 9-16, ishte Gjermania ajo që triumfoi në ndeshjen hapëse të Grupit B.
Falë një çereku të dytë fantastik, gjermanët rikthyen gjithçka në anën e tyre, e më pas në pjesën e dytë loja u menaxhua mirë dhe takimi u mbyll me fitoren e tyre me rezultat përfundimtar 75-63.
ORARI DHE GRUPET - EUROBASKET 2017
Ylli i Gjermanisë në këtë takim ishte anëtari i Atlanta Hawks, Dennis Schröder, i cili këtë takim e mbylli me 32 pikë, 5 kërcime e 7 asistime, kurse në humbjen e Ukrainës u veçuan Olexandr Mishula me 12 pikë dhe Artem Pustovyi me 11 sosh.
