Gjobat e FBK-së nga Kupa e Kosovës

Derisa në konkurrencën e femrave në përballjet e Kupës ndeshjet janë regjistruar me rezultatin e arritur në fushë të lojës dhe nuk ka pasur dënime të asnjë lloji, te meshkujt situata është ndryshe. 

Dy lojtarë të KB Rahovecit janë gjobitur nga Komesari i Garave bashkë me KB Rahovecin si klub. 

Lojtari më i dalluar aktualisht te Bashkimi gjithashtu është gjobitur bashkë me trajnerin e ekipit rival, Kalaja. 

Besnik Sharku dhe Blerim Sharku (të dy KB Rahoveci) janë gjobitur në total me 125 euro, ku ky i fundit është suspenduar edhe për 4 ndeshje moslojë në ndeshjet e organizuara nga FBK-ja. 

Si arsye janë përmendur: Besnik Sharku për gabim teknik, 25 euro; Blerim Sharku 100 euro + 4 ndeshje moslojë për ofendim dhe kërcënim të personave zyrtarë të ndeshjes pas përfundimit të lojës Rahoveci 64-87 Trepça. Ndërsa ekipi i KB Rahoveci për shkak të hudhjeve nga ana e tifozëve, 100 euro. 

Ndërsa lojtari i Bashkimit, Marcel Jones dhe trajneri i Kalasë, Arbnor Rifati me nga 50 euro secili, për shkak të gabimeve teknike.