GoldenEagle Ylli: Po shndritë si asnjëherë më parë

Skuadra e Golden Eagle Yllit ka arritur të fitojë titullin e parë të kampionit të Kosovës në histori të klubit.

Ekipi suharekas i drejtuar nga trajneri boshnjak Adis Beciragic ka arritur të mposhtë Pejën në serinë finale 3-0, duke mos i dhënë shijen e fitores në serinë finale rivalëve, për të arritur suksesin historik të skuadrës.

Dhe ka pasuar menjëherë reagimi në llogarinë zyrtare të klubit në Facebook.

“Jemi kampionë! Peja 67-70 Ylli. Ylli po shndritë si asnjëherë më parë,” është thënë në statusin e klubit.

Përndryshe, ky sezon mund të thuhet lirisht se është më i miri në historinë e klubit pasi që në këtë sezon ata fituan edhe trofeun e Ligës Unike - që u mbajt për herë të parë.