Greqia, siguron fazën e dytë

Greqia ka shënuar sot fitoren e katërt me radhë në Grupin C të Eurobasket 2015 ndaj Sllovenisë, për të siguruar daljen nga ky grup për fazën tjetër të europianit. 

Grekët kanë pasur kontrollin e lojës në pjesën më të madhe të takimit dhe të udhëhequr nga ‘ujku’ Vassilis Spanoulis kanë shënuar fitore me 11 pikë dallim ndaj Sllovenisë, te të cilët u dallua Jaka Blazic. 

Spanoulis përfundoi ndeshjen me 19 pikë të shënuara dhe 6 asistime, derisa 27 pikët dhe 5 kërcimet e Blazicit te Sllovenia shkuan kot. 

Greqia tash ka bilanc 4-0 pas katër ndeshjeve të para, derisa sllovenët kanë bilanc neutral 2-2. 

Spanoulis aktualisht ka mesatare prej 11.8 pikëve për ndeshje dhe 5.5 asistimeve për ndeshje në Eurobasket 2015, pas 4 ndeshjeve të para, të cilat i fitoi Greqia. 

Video