SLLOVAKIA - LUKSMEBURGU
Grupi i Kosovës: Sllovakia mposht rivalin e radhës
20 February, 2020 @21:05
Përfaqësuesja e Sllovakisë ka mposhtur në ndeshjen e parë të Grupit B parakualifikues për Botërorin 2023, kundërshtarin e radhës të Kosovës, Luksemburgun 73-65 [20-25, 20-13, 19-11 dhe 14-16].
Me këtë fitore, Sllovakia merr vendin e parë në grup me koshdallim më të mirë sesa Kosova, pasi që të dyja shënuan fitore në përballjet e para të tyre të Grupit B. Kosova mposhti Islandën me 2 pikë dallim.
Vladimir Brodziansky me 25 pikë ka qenë më efikasi te sllovakët në fitore sonte, derisa 15 pikë dha Richard Korner.
Në anën tjetër, te Luksemburgu, që pas tre ditësh pret Kosovën në Luksemburg më i miri ka qenë amerikani i natyralizuar Clancy Rugg që ka shënuan 21 pikë e 20 kërcime. Pos tij, pikë dyshifrore ka shënuar vetëm edhe Alex Laurent, 13.
TABELA AKTUALE:
1. Sllovakia 1-0
2. Kosova 1-0
3. Islanda 0-1
4. Luksemburgu 0-1.
Përndryshe, Sllovakia drejtohet nga kroati i njohur për moshat e vjetra të basketbollit, Zan Tabak.