KOSOVA - ISLANDA
Vështirë, por erdhi. Kosova mposht Islandën për të nisur mbarë
20 February, 2020 @20:45
Me lojë dramatike, veçanërisht në minutën e fundit të ndeshjes, Kosova ka arritur të shënojë fitore tepër të vështirë ndaj Islandës, por jashtëzakonisht të rëndësishme, 80-78 [22-13, 13-21, 25-23, 20-21].
Fitorja erdhi krejt në fund, përkundër epërsisë së dardanëve prej 8 pikëve 1 minutë para se të përfundonte ndeshja. Treshet e islandezëve nuk lanë qetësi, për fundin me fitore 2 pikëshe.
Në fund të ndeshjes pikë të rëndësishme për Kosovën shënuan Drilon Hajrizi e Gëzim Morina, ndërsa organizimi tepër i mençur i Erjon Kastratit, blinte kohë, për fitore.
Më efikasi në fitore ka qenë ylli i reprezentacionit Dardan Berisha, që dha 18 pikë, krejt për tre pikë, ku shutoi 6/13. Driloni dha 16 pikë, ndërsa ka qenë fantastik për tre pikë, duke shënuar 4/5, shto këtu edhe 8 kërcime e 6 asistime.
Gëzimi luajti me 12 pikë, ndërsa Erjoni me 10 të tjera në fitoren e parë të Kosovës në raundin parakualifikues për Botërorin 2023.
Te mysafirët e largët në çoshen më VeriPerëndimore të Evropës, më efikasi ka qenë Kari Jonsson që dha 21 pikë, ndërsa 20 të tjera shënoi Arnar Bjornsson, derisa Tryggvi Hlinason dha 16 pikë + 12 kërcime.
Me këtë Kosova arrin fitore në ndeshjen e parë të saj me trajnerin e ri Christos Marmarinos, ndërsa më 23 shkurt dardanët janë në Luksemburg për duelin e radhës në këto parakualifikime.