VUSHTRRIA - VËLLAZNIMI
E 10-ta për Vëllaznimin
20 February, 2020 @13:37
Skuadra gjakovare, Vëllaznimi, pas titullit në Kupën e Kosovës në kuadër të Ligës së Parë, vazhdoi me fitore edhe në kuadër të ligës.
Vëllaznimi e mposhti Vushtrrinë me rezultat 70-74.
Vushtrria ishte në epërsi në dy çerekët e parë, derisa Vëllaznimi e kontrolloi ndeshjen në pjesën e dytë, për ta regjistruar fitoren e 10 të sezonës.
Koshashënuesi më i mirë te Vëllaznimi ishte amerikani Terrick Phillips me 23 pikë, derisa u ndihmua edhe nga Arion Balluku me 17 pikë, 10 asistime e 6 kërcime, Albatrit Berisha me 11 pikë e 12 kërcime dhe Rron Koshi me 10 pikë të tjera.
Te Vushtrria u dalluan Erhan Sholla me 21 pikë, 10 kërcime e 6 asistime, Mendrit Ademi me 16 pikë, Engjëll Ramaj me 14 pikë dhe Albion Imeri me 11 pikë.
Skuadra e vetme pa humbje deri më tani, Vëllaznimi, ka bilanc prej 10 fitoreve, kurse Vushtrria me 4 fitore e 6 humbje gjendet në pozitën e gjashtë.
Në xhiron tjetër Vëllaznimi takohet me Borean, kurse Vushtrria me Prishtinën e Re.