NË RAHOVEC
Hasani dhe Merovci vazhdojnë me Rahovecin
5 September, 2017 @23:03
Dy basketbollistët kryesorë të taborit vendor të KB Rahoveci nga stinori i kaluar, Muhamed Hasani dhe Mustafë Merovci, kanë vazhduar marrëveshjen me klubin e vreshtarëve edhe për stinorin 2017/18.
Njoftimin e ka bërë të ditur sot faqja zyrtare e ekipit të Rahovecit, ndërsa dyshja në fjalë është shprehur të jetë e kënaqur me angazhim në Rahovec.
Ditë më parë, KB Rahoveci emëroi trajner Mark Rodiqin, ndërsa ka paralajmëruar se përgatitjet për stinorin në ardhje do t’ia nisin këtë të shtunë.
