E udhëhequr nga Bogdanovic, Serbia mposht Turqinë

Në takimin më interesant të ditës, Serbia ka shënuar fitore ndaj përfaqësueses së Turqisë.

Takimi ishte mjaft interesant dhe dhuroi shumë emocione, veçanërisht në çerekun e fundit kur turqit ‘u zgjuan nga gjumi’ dhe filluan të riktheheshin në lojë me treshet e shënuara nga Mahmutoglu e Osman, mirëpo në momentet më kritike të ndeshjes, në skenë doli ylli Bogdan Bogdanovic, i cili personalisht shënoi 10 pikë radhazi dhe nuk lejoi humbjen e përfaqësueses serbe.

Përkundër entuaziamit të publikut turk në sallë dhe luftës deri në fund, Turqia u detyrua të pajtohej me humbje me rezultat 80-74.

GRUPET DHE ORARI - EUROBASKET 2017

Bogdanovic ishte lojtari më i dalluar te Serbia me 17 pikë të shënuara, derisa 15 shtoi edhe Jovic. Në anën tjetër, te Turqia u dalluan Mahmutoglu me 19 pikë dhe Osman me 13.

Sa i përket Kenan Sipahit, ai takimin e sontëm e mbylli me 6 pikë (2 treshe), 1 kërcim e 2 asistime.