Të gjitha lajmet

KOSOVA - MAQEDONIA

Humbje, që mund ta eliminojë Kosovën

Foto: FIBA

Humbje, që mund ta eliminojë Kosovën

13 September, 2018 @22:28

Në takimin e parë në kuadër të parakualifikimeve drejt EuroBasket 2021, takim që u zhvillua në sallën e mbushur me tifozë në Prishtinë, Kosova u mposht me rezultat 73-76 nga përfaqësuesja e Maqedonisë.

Në pjesën e parë, epërsia ishte gjatë gjithë kohës në anën e maqedonasve, të cilët përmes një numri tejet të madh të kërcimeve në fazën e sulmit, ishin vazhdimisht dominues në rezultat. Në anën tjetër, Kosova kishte probleme të dukshme në mbrojtje, e në sulm në këtë pjesë u dalluan Dardan Berisha me 10 pikë, Lis Shoshi me 8 e Erjon Kastrati me 7. Pas 20 minutave lojë, rezultati shënonte 29-34 në të mirë të Maqedonisë, e cila udhëhiqej nga 9 pikët e Damjan Stojanovskit, i cili kishte 3 trepikësha të shënuara në 20 minutëshin e parë.

PARAKUALIFIKIMET EUROBASKET 2021

E çereku i tretë ishte shumë i mirë për Kosovën. Me mbrojtje më të mirë dhe me gjuajtje më të sakta, Kosova arriti të jetë në epërsi pas këtij çereku. Fillimisht, epërsia e parë e Kosovës në këtë ndeshje erdhi pas 26 minutave, 41-39, e më pas rezultati pas 30 minutave lojë shënonte 49-48.

Më pas, çereku i katërt ishte tejet dramatik, sidomos në momentet e fundit. Maqedonia u përmirësua shumë në krahasim me çerekun e tretë dhe arriti ta rikthejë epërsinë në anën e saj, mirëpo ishte kapiteni Dardan Berisha ai që bëri që ndeshja të ketë fund tejet dramatik. 8 sekonda para fundit, kur rezultati ishte 71-74, pikërisht Dardan Berisha humbi një nga tri gjuajtjet e lira, duke mos arritur ta barazojë rezultatin, e më pas maqedonasit nuk gabuan në gjuajtjet e tyre të lira. Kështu, ndeshja u mbyll me rezultatin përfundimtar 73-76 dhe Kosova u detyrua të pajtohet me humbje, përkundër luftës së fortë deri në fund.

Më i dalluari te Kosova sonte ishte i zakonshmi Dardan Berisha me 32 pikë, 6 kërcime e 4 asistime, derisa te Maqedonia u veçua Bojan Trajkovski me 17 pikë, 11 kërcime, 2 asistime dhe 1 vjedhje të topit.

Pak para fundit të ndeshjes, lëndim në gju te Kosova pësoi Erjon Kastrati, lëndim i cili shpresojmë të mos jetë serioz.

Kjo humbje, që u pësua në shtëpi, zvogëlon dukshëm gjasat e Kosovës për t’i kaluar grupet.

Ndeshjen e ardhshme në kuadër të parakualifikimeve drejt EuroBasket 2021 Kosova e luan si mysafire e Rumanisë më 29 nëntor.

PRISHTINA

Prishtina zyrtarizon përfocimin e parë

9 August, 2019 @23:08

Kampionia e Superligës së Kosovës në basketboll, Prishtina, pak më parë e zyrtarizoi përforcimin e parë për stinorin 2019/20. Bëhet…

CITY

Pep zbulon se sa do të mungojë Sane

9 August, 2019 @17:06

Leroy Sane pritet të mungojë rreth gjashtë ose shtatë muaj pasi që pësoi lendim të gjurit. 23 vjeçari, krisi ligamentin…

ARRIHET MARRËVESHJA

Gjykatësi vendos për ditët e LaLigas

9 August, 2019 @17:02

La Liga dhe Federata e Futbollit e Spanjës kanë arritur marrëveshje përfundimtare sa i përket orarit të ndeshjeve për sezonin…

DANEZI

Edhe Schone largohet nga Ajaxi

9 August, 2019 @16:56

Transferi më i ri i ekipit të Genoa, Lasse Schone është zyrtarizuar gjatë dites së sotme. Për ekipin e…

RIKTHIM NË SUPERIORE

Ish mbrojtësi i kombëtares dhe Skënderbeut, te Tirana

9 August, 2019 @15:46

Futbollisti me përvojë, që së fundi luajti si mbrojtës te Skënderbeu i Korçës, Kristi Vangjeli, është zytarizuar sot si lojtar…

Të gjitha lajmet nga