PËRFAQËSUESJA
BOROZANI
Ndaj Maqedonisë për fitore!
13 September, 2018 @12:57
Me fillim nga ora 20:30, sonte në Pallatin e Rinisë dhe të Sporteve në Prishtinë, përfaqësuesja e Kosovës në basketboll përballet me përfaqësuesen e Maqedonisë, në duelin që është i pari i Kosovës në kuadër të parakualifikimeve drejt EuroBasketit të vitit 2021.
Kjo ndeshje do të jetë e para nën drejtimin e trajnerit të ri Damir Mulaomerovic, i cili ditë më parë ka publikuar 12 të ftuarit për këtë përballje.
PARAKUALIFIKIMET - EUROBASKET 2021
Përveç Maqedonisë, në grup Kosova e ka edhe Rumaninë, përfaqësuese me të cilën Kosova do të përballet si mysafire në fund të këtij muaji.
Biletat, që kushtojnë 2 dhe 10 euro, për takimin e sontëm vazhdojnë të shiten edhe gjatë ditës së sotme para “NewBorn-it”.
Sa për kuriozitet, Maqedonia është një kundërshtar që Kosova e ka mposhtur vitin e kaluar, gjë që shpresojmë të ndodhë edhe sonte.
