PATRICK COLE
I huaji i tretë, zyrtarizohet te Sigal Prishtina
13 July, 2017 @12:51
Amerikani që mund të luajë në pozitat një dhe dy, Patrick Cole, është përforcim i fundit i Sigal Prishtinës, ka bërë të ditur sot ekipi bardhekaltër.
Basketbollisti 23 vjeçar që ka qenë pjesë e North Carolina Central në NCAA me mesatare prej 19.3 pikëve për ndeshje, 5.6 asistimeve dhe 7 kërcimeve, pritet t’i ndihmojë Sigal Prishtinës në rrugëtimin debutues të tyre në Basketball Champions League këtë stinor.
Sigal Prishtina, kështu pas trajnerit, ka zyrtarizuar edhe përforcimin e katërt nga këndi i lojtarëve në total, tre prej të cilëve të huaj, për stinorin e ri.
Sigal Prishtina në raundin e parë kualifikues të Ligës së Kampionëve të basketbollit do të ndeshet me kampionin e Bellorusisë, Tsmoki Minsk.
