PAS NDESHJES
BOROZANI/ Arkiv
Imer Tahiri: Fitorja na hapi rrugët për Play Off
15 February, 2018 @23:39
Njëri ndër lojtarët kryesor në ndeshjen kundër Rahovecit, Imer Tahiri, në një bisedë me Borozani.com ka thënë se kjo fitore ishte e rëndësishme për ta.
“Sonte kemi zhvilluar një lojë shumë të mirë prej fillimit deri në fund. E kemi kontrolluar lojën dhe rezultatin, me përjashtim të çerekut të katërt, në të cilin luajtëm më dobët në mbrojtje dhe u relaksuam shumë, pas epërsisë prej 19 pikëve që e patëm pas 3 çerekëve. Kjo fitore na ka hapur përsëri rrugët për të luftuar për Play Off”, ka thënë Imeri për Borozani.com.
Imer Tahiri në këtë ndeshje ka shkëlqyer me 22 pikë, 4 kërcime, 2 topa të vjedhur dhe me një asistim, derisa Trepça gjendet aktualisht në pozitën e pestë.
