Intervista më e shkurtër e pas ndeshjes!

I pakënaqur me rezultat u nda Ylli nga ndeshja me Trepçën mbrëmë, ndërsa për të dhënë deklarata pas ndeshjes në mikrofonin e transmetuesit të ndeshjeve u afrua kapiteni i ekipit kampion, Gëzim Morina.

Por Gëzimi ka qenë i shkurtë në koment të tij për lojën.

“Përgëzime Trepçës për fitoren. Nuk kam çka me shtu tjetër. Natën e mirë,” kanë qenë fjalët e kapitenit të ekipit të Yllit.

Morina luajti me 16 pikë, 3 asistime e 8 kërcime, ndërsa shutoi 3/7 për tri pikë në këtë duel, por humbja ka bërë që Ylli të bie në pozitë të tretë të renditjes dhe PlayOffit do t’ia nis nga çerekfinalja.