Istogu fiton derbin bëhet lider

Në ndeshjen derbi të Ligës së Parë të basketbollit Istogu ka mposhtur Vushtrrinë për të barazuar bilancin, ndërsa me koshdallim më të mirë ka marrë lidershipin e ligës.

Istogu mposhti Vushtrrinë me 20 pikë dallim në një ndeshje ku Vushtrria ishte më e mirë në çerek të parë të saj, por pas kësaj Istogu u rikthye dhe nuk lëshoi epërsinë deri në fund për të fituar duelin, Istogu 98-78 Vushtrria [20-30, 24-6, 27-21, 27-21].

Arian Azemi me 26 pikë e 9 asistime ka qenë më efikasi te Istogu, ndërsa me 15 pikë ndeshjen e kreu Mirlind Zekaj. Labinot Kelmendi dha 14 pikë në fitore.

Te Vushtrria më efikasit ishin Ramadan Zekiqi me 19 pikë, 7 asistime e 7 kërcime dhe Erhan Sholla që shënoi 17 pikë.

Dueli ka qenë interesant, ndërsa ka qenë takim i dyshes së trajnerëve që kanë qenë ish-lojtarë të njohur të Superligës dikur, Fikret Shatri dhe Gazmend Asllani, përkatësisht.