PUSHIM
BOROZANI/Edrin Shkuliqi/Arkiv
Javë për të pushuar
2 November, 2015 @9:57
Balkan League, ku marrin pjesë tre ekipe kosovare - pushon këtë javë. Asnjë ndeshje në programin e javës së parë të muajit nëntor, derisa skuadrat mund të reflektojnë për rezultatet e arritura në 2-3 ndeshjet e para të zhvilluara.
Sigal Prishtina, që ka shënuar 2 fitore në 2 ndeshjet e para në BIBL, në fakt duhet të mendojë për FIBA Europe Cup këtë mesjavë, ku pret Astanan.
Peja, ka zhvilluar gjithashtu dy ndeshje deri më tani, ku ka të regjistruar 1 fitore dhe 1 humbje.
Ndërsa Bashkimi, ka më së shumti ndeshje të zhvilluara, ku pas fillimit me fitore, ka shënuar edhe dy humbje. Bashkimi në fakt ka edhe tre mungesa, pas lëndimit të Granit Rugovës, operimit të Imer Tahirit dhe largimit të Efthimios Tsakalerisit, ashtu që duhet konsoliduar më shpejt ekipin.
