Jemi komponuar mirë

Basketbollisti 25 vjeçar i Pejës, Alban Veseli, ka thënë rezultatet e mira që po i merr ekipi këtë stinor nuk janë të rastësishme për skuadrën. 

“Jemi komponuar mjaft mirë si skuadër. Si lojtarët vendor ashtu edhe ata të huaj, jemi duke e kryer punën me shumë përgjegjësi dhe besoj se rezultatet nuk janë të rastësishme,” ka thënë ai, shkruan basketbolli.com sot. 

“Kemi krijuar avantazh dhe mund të qëndrojmë si lider për një kohë të gjatë në Superligë, pse jo edhe të përfundojmë në vend të parë në Superligë,” ka shtuar basketbollisti me numër 8 i Pejës. 

Peja ka shënuar fitore të madhe në fundjavë ndaj Sigal Prishtinës në Karagaç, për të vazhduar pamposhtshmërinë në elitën e basketbollit të vendit. 

Verdhezinjtë janë mysafire e Yllit sonte në Superligë, derisa pritet që numrin e fitoreve ta dërgojë në 11, pasi që nuk dinë humbje në Superligë këtë stinor.