NË SUHAREKË MBYLLET XHIROJA XII
Pamje nga ndeshja e stinorit të kaluar Ylli-Peja/ BOROZANI/ Lis Dorambari
Ylli-Peja, sonte
7 December, 2015 @12:20
Ylli pret Pejën sonte në përballjen që përmbyll xhiron e XII të Superligës.
Ekipi suharekas që nuk po kalon një stinor si në vitin që e lamë pas, ka përpara skuadrën që ende nuk din çka është humbja në Superligë.
Peja ka bilanc perfekt të ndeshjeve në Superligë duke shënuar 10 fitore nga 10 përballjet e para dhe nëse nuk ndodh ndonjë befasi e madhe, pritet që sonte ta regjistrojë edhe të 11-tën me radhë për të vazhduar bilancin perfekt të ekipit.
Ylli në anën tjetër ka shënuar 4 fitore nga 9 përballjet e para të Superligës, derisa ka shënuar vetëm një fitore këtë stinor ndaj skuadrave të katërshes së madhe, kur mposhti Trepçën në Suharekë.
