THJESHT, TË PANDALSHËM
E 22-ta
7 December, 2015 @8:47
Janë të pandalshëm. Derisa ata kënaqen në lojë, neve na mbetet vetëm t’i shijojmë ata dhe të numërojmë fitoret e tyre dhe zgjerimin e rekordit.
Golden State Warriors ka shënuar edhe fitoren e 22-të me radhë në stinorin e ri të NBA-së duke e mposhtur Brooklyn Netsin 114-98 mbrëmë.
Stephen Curry shënoi 28 pikë, derisa Draymond Green 22 të tjera në fitoren e radhës për ‘luftëtarët’.
Në anën tjetër, mundi i Thaddeus Youngut me 25 pikë e 14 kërcime të regjistruara shkoi huq, derisa ‘rrjetat’ u shkyen për të 15-tën herë këtë stinor.
Warriors vazhdon të zgjerojë rekordin tash me 22 fitore dhe pa humbje ende, derisa Nets ka bilanc 5 fitore e 15 humbje.
