Largohet Ilievski

Marjan Ilievski më nuk është trajner i Sigal Prishtinës. Njoftimin e ka bërë të ditur vetë trajneri në konferencën e jashtëzakonshme për shtyp sot të thirrut nga klubi, që ka thënë se me marrëveshje të dyanshme kanë vendosur që të ndajnë rrugët me ekipin. 

Ilievski kishte ardhur te Prishtina në janar të këtij viti dhe i ka sjellë ekipit trofeun e parë ndërkombëtar në histori të klubeve kosovare, duke fituar ligën ballkanike. 

Sigal Prishtina fitoi edhe titullin kampion stinorin e shkuar, por eliminimi i hershëm nga FIBA Europe Cup dhe humbjet radhazi nga rivali i ashpër për titull, Peja, kanë bërë që të ndahen rrugët me trajnerin në fjalë.