Joshua Brown te Trepça

Pas dy humbjeve me radhë, skuadra e Trepçës ka filluar t’i bëjë lëvizjet e para për t’u këndjellur sa më parë.

Kështu, drejtuesit e klubit mitrovicas kanë paraqitur për regjistrim në federatë basketbollistin amerikan, Joshua Keith Brown.

Brown luan në pozitën e organizatorit dhe do të ketë të drejtë loje që në ndeshjen e radhës në fundjavë, ku xehetarët do të takohen me skuadrën RTV 21. Mirëpo para se të realizohet kjo, Trepça duhet t’i përfundojë të gjitha obligimet dhe dokumentacionet në federatë.

Brown është basketbollisti i dytë i huaj te Trepça pas alo qendrës, Robert Goff.

Ekipi nga Mitrovica më parë kishte paraqitur regjistrimin e basketbollisti Amaurys Fermin në federatë, mirëpo transferimi nuk u kompletua pasi që ky i fundit përfundoi në ekipi qipriot, Etha.