FINALS: BASHKIMI (F) - PRISHTINA (F)
TOPSPORTI / Arian Paçarizi
Kampionet e Bashkimit e nisin me fitore
14 April, 2019 @22:24
Kampionet aktuale të Ligës së Femrave, vajzat e Bashkimit, i mposhtën vashat e Prishtinës në ndeshjen e parë të serisë finale me rezultat 66-64.
Sekondat e fundit të ndeshjes kaluan nën ethe për të dyja skuadrat, ngase ishte rezultati shumë i ngushtë, derisa vajzat e trajnerit Furkan Saglik, ishin më të kujdesshme dhe arritën të kalojnë në epërsi në seri.
Danisha Shaw ishte më e dalluara te Bashkimi me 20 pikë, 8 kërcime, 8 asistime e 6 topa të vjedhur, derisa u ndihmua edhe nga Mari Stewart me 13 pikë e 11 kërcime dhe Ulpiana Emra me 11 pikë të tjera.
Te Prishtina Braennan Farrar u veçua me 26 pikë, kurse pikë dyshifrore tjetër shënoi vetëm edhe Tykyra Williams (18).
Vashat e Bashkimit tani kanë epërsi 1-0 pas ndeshjes së parë finale, derisa ndeshja e dytë do të luhet në Prishtinë.
