RAHOVECI - BASHKIMI
BOROZANI/ Altin Sahiti
Kampioni mposhtet përsëri, e dyta fitore e Rahovecit
30 September, 2018 @22:04
Në ndeshjen e fundit të xhiros së dytë në Superligën e Kosovës në basketboll, kampioni aktual Bashkimi, as ndeshjen kundër Rahovecit nuk arriti të njoftohet me fitore.
Rahoveci e mposhti kundërshtarin me rezultat 81-63, ndërsa kjo ishte fitorja e dytë e vreshtarëve.
Te Rahoveci, pesë lojtarë luajtën me pikë dyshifrore, kurse prej tyre u dalluan të huajt, Deshon Minnis me 18 pikë, Frederick Richardson III, Amir Madreed dhe James Stanback me nga 15 pikë secili.
Te Bashkimi u dallua Ergin Grosha me 20 pikë e 5 kërcime.
Kjo ishte fitorja e dytë e Rahovecit dhe humbja e dytë e Bashkimit pas 2 xhirove të zhvilluara, kurse në xhiron e tretë, Rahoveci do të përballet me Yllin ndërsa Bashkimi me Prizrenin.
