Kampioni zyrtarizon Mikaile Tmusicin

Kampioni i fundit i Kosovës në basketboll, Golden Eagle Ylli, ka zyrtarizuar para pak çastesh reprezentuesin e Kosovës dhe ish lojtarin e Bashkimit dhe të Prishtinës, Mikaile Tmusic.

Basketbollisti 28-vjeçar së fundi ka qenë pjesë e Podgoricës në Mal të Zi, prej ku kishte kaluar nga Prishtina, pas periudhës shpërthyese të tij të kaluar te Bashkimi.

Ai është i lindur në Pejë dhe FBK-ja e kishte natyralizuar lehtë lojtarin në fjalë, që rregullisht ftohet në kombëtare.

Në stinorin e fundit të kaluar te Podgorica Bemax, Tmusic ka arritur 8.5 pikë për ndeshje mesatarisht, ndërsa ka regjistruar 2.4 asistime e 2.8 kërcime për lojë.

Në elitën e Malit të Zi ai luajti 14 ndeshje në 2020/21 ndërsa në ABA League 17 të tjera, ku kishte mbi 30% saktësi në lojë për tri pikë.