Kapiteni i ri i Bashkimit

Nga sonte, apo stinori i ri 2014/15, basketbollistit prizrenas, Qëndrim Biraj, do t’i shtohet përgjegjësia e kapitenit në ekipin e Bashkimit. 

Drejtuesit e klubit prizrenas kanë vendosur që me pensionimin zyrtar të kapitenit të deritashëm, Valentin Spaqi, këtë përgjegjësi t’ia japin Birajt, që ka qenë basketbollisti i vetëm te Bashkimi që në vitet e fundit ka qëndruar aty, pa marrë parasysh kushtet e klubit. 

Biraj 25 vjeç, sonte pritet të debutojë si kapiten i ekipit ndaj Sigal Prishtinës në Superkupën e Kosovës.