Ylli nis furishëm

Ylli nga Suhareka, skuadër kjo që për vite të tëra bëri garë në Ligën e Parë, tani më ka arritur Superligën. 

Mirëpo, me kaq nuk janë mjaftuar drejtuesit e klubit nga Suhareka. Ata pas sigurimit të shërbimeve të Erris Nushit nga ekipi i Pejës, kanë arritur marrëveshje edhe me dy basketbollistë amerikan. 

Fjala është për Derrick Washington dhe Najee White. 

Washington mund të luaj në pozitat 1 dhe 2, derisa amerikani 23 vjeçar ka bërë karrierë në Universitetin e Lincolnit në SHBA. 

Ai njihet me dorën e butë të tij, posaçërisht për treshe derisa ka aftësi të mirë edhe për të depërtuar në zonë. 

Sa i përket Najee White, ai së fundi ka luajtur në ligën e dytë spanjolle të basketbollit dhe luan në pozitat 3 e 4. Amerikani është në moshë 24 vjeçe dhe është 203 centimetra i gjatë. 

Ylli në ndeshjen e parë të stinorit 2014/15 në Superligë do të ndeshet me rivalin më të afërt në kilometra, Bashkimin e Prizrenit. 

Video

Videoja prezentuese e Derrick Washington

Në video mund të shihni lojën e përforcimit të Yllit nga Suhareka, Derrick Washington, i cili pritet të jetë bartës i lojës së ekipit të ri në Superligë në ndeshjen e xhiros së parë ndaj Bashkimit të Prizrenit.

TRAJNERI:

Skuadra e Yllit drejtohet nga ish snajeperi i Suharekës, Agron Berisha;