Kërkohen kamera në secilën palestër

Këshilli për Parandalim dhe Sanksionim të Dhunës dhe Dukurive Negative në ngjarjet sporive në mbledhjen e jashtëzakonshme të mbajtur sot, përveç tjerash ka kërkuar që Ministria përkatëse të përfshijë në buxhetin e vitit 2023 edhe vendosjen e sistemit të kamerave në të gjitha palestrat sportive, ndërsa e nëjjta të bëhet edhe nëpër stadiumet e futbollit.

Ndër të tjera ky Këshill ka kërkuar që të ndalohet pjesëmarrja në mënyrë të organizuar dhe me çfarëdo shenje dalluese të të gjitha tifozërive në ndeshjet e basketbollit që organizohen nga FBK-ja deri në një njoftim të ardhshëm.

Këshilli ka mbajtur mbledhjen pas incidenteve në finalen e Superkupës së Kosovës organizuar nga FBK, ku u takuan Prishtina dhe Trepça.

Gjithashtu, është kërkuar që tifozëritë e paregjistruara të regjistrohen në MPB si dhe t’i deponojnë emrat e anëtarëve të kryesisë dhe të gjithë anëtarëve tjerë në Drejtori për Sport në komunat përkatëse.

Mbetet të shihet se cilat nga këto kërkesa të “Këshillit…” do të implementohen.