Ermal Krasniqi, Qazim Laçi me Spartën kualifikohen tutje

Sparta e Pragës ka siguruar kualifikimin tutje në playoff të Ligës së Kampionëve pas një ndeshjeje mjaft të vështirë ndaj FCSB-së rumune dje në Bukuresht, në një përballje që përfundoi me rezultat 2-3, kurse një javë më parë kishte përfunduar 1-1 në Pragë.

Në përballjen e mbrëmshme, trajneri danez i Spartës Lars Friis Qazim Laçit i dha mundësinë të startojë, derisa ky luajti 86 minuta, kurse Ermal Krasniqi dhe Indrit Tuci mbetën përgjatë 90 minutave në bankë rezervë. Kundërshtari i radhës për playoff i Spartës do të jetë Lille. Pra ose Edon Zhegrova me ekip do të jetë në Ligë të Kampionëve, ose treshja e Spartës.