SUPERLIGA
Korniza/ KB Peja
Kjo është data e superderbit Peja-Prishtina
20 September, 2016 @20:07
Me tërheqjen e shortit të Superligës sot, është mësuar edhe data e ndeshjes më të nxehtë në basketbollin kosovar, ajo ndërmjet kampiones, Sigal Prishtinës dhe nënkampiones, Pejës.
Kështu, këto dy skuadra do të takohen qysh në xhiron e dytë, e paraparë të zhvillohet në datat 8-9 tetor.
Kjo do të jetë përballja e parë për sivjet e dy skuadrave më të forta kosovare në vitet e fundit, pasi përballja e parë e tyre, e paraparë të zhvillohej në kuadër të Superkupës, ishte vendosur të shtyhet për një datë tjetër, ende të pacaktuar.
Ndeshja e xhiros së dytë ndërmjet Pejës dhe Sigal Prishtinës do të luhet në palestrën Karagaçi në Pejë.
