Kosova e pamposhtur, mëson kundërshtarin në gjysmëfinale

Përfaqësuesja U18 e Kosovës ka vazhduar me paraqitje të mirë edhe në ndeshjen e katërt në Kampionatin Europian të Divizionit C.

Djelmoshat e rinj kosovar kësaj radhe e mposhtën Molldavinë dhe atë me rezultat bindës, 58-116.

Organizatori Kosovës, Etnik Peci, ishte më i dalluari në këtë ndeshje duke shënuar 25 pikë, ndërsa kontribut të rëndësishëm dha edhe Valon Bunjaku, që ishte gati qindpërqindtë i saktë nga vija e trepikëshit, duke shënuar katër herë në pesë tentime.

Në gjysmëfinale, kundër Azerbejxhanit

Me këtë fitore Kosova e përfundoi fazën grupore me katër fitore dhe asnjë humbje, për të siguruar kualifikimin në gjysmëfinale, ndërsa aty do të përballet me përfaqësuesen e Azerbejxhanit.