EUROPIANI U-16
Kosova e shkel edhe Uellsin
8 July, 2015 @16:42
Djelmoshat e rinjë të përfaqësueses U-16 të Kosovës nuk kanë të ndalur.
Pas dy fitoreve të para me epërsi të thellë ndaj Gjibraltarit dhe Monakos, djelmoshat tanë kanë arritur ta mposhtin edhe Uellsin, po ashtu me epërsi të lartë, 35-74, duke ia shkaktuar humbjen e parë ekipit uellsian në Europianin U-16 të Divizionit C që po mbahet në San Marino.
Edhe kësaj radhe ekipi ishte i udhëhequr nga basketbollisti Etnik Peci, i cili luajti me 20 pikë, 6 kërcime dhe 2 asistime, derisa kontribut të rëndësishëm dha edhe Kreshnik Avdija duke shënuar 16 pikë.
Pas kësaj fitoreje, Kosova e ka siguruar vendin e parë në grupin B, duke u renditur para Uellsit, Monakos dhe Gjibraltarit, dhe në gjysmëfinale do të takohet me skuadrën e renditur në pozitën e dytë të grupit A, që pritet të jetë njëra prej përfaqësueseve të Maltës ose San Marinos.
Tabela përfundimtare e grupit B
| 1 | Kosova | 3 fitore 0 humbje | ||
| 2 | Uellsi | 2 fitore 1 humbje | ||
| 3 | Monako | 1 fitore 2 humbje | ||
| 4 | Gjibraltari | 0 fitore 3 humbje |
